ချစ်ခြင်းရနံ့
နွေညရဲ့ အိပ်မက်ထဲကို
ပိတောက်ရနံ့တွေ သယ်ယူခဲ့တဲ့
လေပြည်ညှင်းရဲ့ ပီတိလို...
မိုးစက်ပွင့်လေးတွေရဲ့ အနမ်းတွေကို
ချမ်းမြေ့စွာ ခံယူခဲ့တဲ့
စပယ်ဖြူတစ်ပွင့်ရဲ့ ရှက်ပြုံးလို…
ဆောင်းရဲ့ မနက်ဖြန်နှင်းတွေကို
တမ်းလင့်ကာ ကြိုနေခဲ့တဲ့
သဇင်ငယ်တစ်ခက်ရဲ့ မျှော်လင့်ခြင်းလို…
မျက်ဝန်းနက်ရဲ့ အကြည့်တစ်ခုကို
နွေးထွေးစွာ ရင်ခုန်ခဲ့တဲ့
ရင်ထဲနှလုံးသားရဲ့ ချစ်ခြင်း…။
မိုးခိုင်
